Usne Hum Ko Guman Mein Rakkha
us ne hum ko guman mein rakkha
aur phir kam hi dhyan mein rakkha
kya qayamat-numu thi wo jis ne
hashr us ki uThan mein rakkha
joshish-e-KHun ne apne fan ka hisab
ek chup ek chaTan mein rakkha
lamhe lamhe ki apni thi ek shan
tu ne hi ek shan mein rakkha
hum ne paiham qubul-o-rad kar ke
us ko ek imtihan mein rakkha
tum to us yaad ki aman mein ho
us ko kis ki aman mein rakkha
apna rishta zamin se hi rakkho
kuchh nahin aasman mein rakkha
Jaun Eliya 
(3048) Peoples Rate This