Guzaran Hain Guzarte Rahte Hain
guzaran hain guzarte rahte hain
hum miyan jaan marte rahte hain
hae jaanan wo naf-pyala tera
dil mein bas ghunT utarte rahte hain
dil ka jalsa bikhar gaya to kya
sare jalse bikharte rahte hain
yani kya kuchh bhula diya hum ne
ab to hum KHud se Darte rahte hain
hum se kya kya KHuda mukarta hai
hum KHuda se mukarte rahte hain
hai ajab us ka haal-e-hijr ki hum
gahe gahe sanwarte rahte hain
dil ke sab zaKHm pesha-war hain miyan
aan ha aan bharte rahte hain
Jaun Eliya 
(2652) Peoples Rate This