Bin Tere Kya Kahen Kya Rog Hamein Yar Laga

bin tere kya kahen kya rog hamein yar laga

Dar lage nam liye jis ka wo aazar laga

sab ye kahte hain mujhe tujh se jo dil yar laga

hae kya is ko jawani mein ye aazar laga

hum diwanon ka ye hai dasht-e-junun mein rutba

ki qadam rakhte hi aa panw se har KHar laga

kahiye kyunkar na use baadshah-e-kishwar-e-husn

ki jahan ja ke wo baiTha wahin darbar laga

qadr phir apni ho kya us ke KHaridaron mein

roz-o-shab jis ki gali mein rahe bazar laga

kaun sa din wo kaTa mujh pe ki ai tegh-e-firaq

zaKHm ek taza mere dil pe na har bar laga

dil mein ab us ke jo lahr aai hai ghar jaane ki

tu bhi rone ki jhaDi dida-e-KHun-bar laga

muttasil tu jo mera KHun-e-jigar pita hai

kyun gham-e-ishq ye kya tujh ko mazedar laga

tez-dasti-e-junun aaj hai aisi hi ki bas

na raha apne gareban mein koi tar laga

is zamin mein ghazal ek aur bhi paDh ai 'jurat'

KHub andaz ke ab kahne tu ashaar laga

(537) Peoples Rate This

Your Thoughts and Comments

Bin Tere Kya Kahen Kya Rog Hamein Yar Laga In English By Famous Poet Jurat Qalandar Bakhsh. Bin Tere Kya Kahen Kya Rog Hamein Yar Laga is written by Jurat Qalandar Bakhsh. Read famous Poem Bin Tere Kya Kahen Kya Rog Hamein Yar Laga for youth and Student by Jurat Qalandar Bakhsh. Free Download Bin Tere Kya Kahen Kya Rog Hamein Yar Laga in PDF.