Jis Tarah Badla Hun Main Badlegi Kya

jis tarah badla hun main badlegi kya

meri basti mujh ko pahchanegi kya

zaKHm-e-sar hai aap apni dastan

pattharon se zindagi puchhegi kya

tirgi ne masKH kar din suraten

aane wali raushni dekhegi kya

zehn mein rukne nahin pate KHayal

jism ke upar qaba Thahregi kya

main to jaan dete hue bhi hans paDun

talKHi-e-zahrab gham sochegi kya

dhup aisi hai ki dariya sukh jaen

KHun ke chhinTon se rut badlegi kya

ji raha hun dusron ke jism mein

maut jine se mujhe rokegi kya