دنیا میں یہی چور بناتا ہے عسس کو
دنیا میں یہی چور بناتا ہے عسس کو
اللہ کرے قطع کہیں دست ہوس کو
دل دیتا ہوں میں قامت دل دار کو اپنا
لٹکاتا ہوں میں نخل محبت میں قفس کو
جیسا کہ یہ دل دام محبت میں پھنسا ہے
کم دیکھتا ہوں مرغ گرفتار قفس کو
نکلے ہیں خط و خال لب یار کے نزدیک
اللہ نے دیا شہد و شکر مور و مگس کو
دوڑاتی ہے یہ روح مری جسم کو ہر سو
اسوار اڑاتا ہے زمانے میں فرس کو
زخم دل شیدا ہوا اچھا نہ مسیحا
خیاط ازل سل نہ سکا چاک قفس کو
رہتے تھے ہم آغوش جوانی میں بتوں سے
اس پیری کے آتے ہی ترسنے لگے مس کو
کب پیچ سے اس رشتۂ الفت کے چھٹوں گا
توڑوں گا نہ جب تک کہ میں اس تار نفس کو
بیماری الفت سے جو میں بچ گیا ناصح
ٹل جاؤں گا اب کی کہیں دو چار برس کو
دامن کا نشاں ہے نہ گریباں کا پتا ہے
اے دست جنوں مانتا ہوں میں ترے بس کو
صیاد جو دیکھے مجھے الفت کی نظر سے
گلزار سے بہتر کہیں سمجھوں میں قفس کو
اے دل کبھی کہنے کا نہیں راز محبت
اس دشت میں دوڑا نہ طبیعت کے فرس کو
دل دیتا ہے اس طفل پری زاد کو ناداں
کیوں منتہیؔ شعلے سے بھڑاتا ہے تو خس کو
(520) ووٹ وصول ہوئے
Duniya Mein Yahi Chor Banata Hai Asas Ko In Urdu By Famous Poet Mirza Maseeta Beg Muntahi. Duniya Mein Yahi Chor Banata Hai Asas Ko is written by Mirza Maseeta Beg Muntahi. Enjoy reading Duniya Mein Yahi Chor Banata Hai Asas Ko Poem on Inspiration for Students, Youth, Girls and Boys by Mirza Maseeta Beg Muntahi. Free Dowlonad Duniya Mein Yahi Chor Banata Hai Asas Ko by Mirza Maseeta Beg Muntahi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends