محبت رمز ہستی ہے

محبت خواب گل ہے

شاخ دل کی سونی پلکوں پر

لرزتا خواب گل

جو نخل جاں کے زرد رو

گرتے ہوئے پتوں کی

سانسوں میں مہکتا ہے

محبت زندگی کے سبز افق پر

دور تک پھیلی ہوئی خوشبو کی لو ہے

جو کبھی دل کے دریچوں میں

اتر کر مسکراتی ہے

تو ہر سو روشنی سی پھیل جاتی ہے

محبت رمز ہستی ہے

یہ ایسا بھید ہے جو کتنے برسوں

بلکہ عمروں کی

مسلسل بے ریا کاوش پہ کھلتا ہے

تو گویا یوں محبت

زندگی کا استعارہ ہے

کہ جس کا ہر بیاں الفاظ کی چھب

اور لہجوں کا کھنک سے

ماورا ہو کر بھی

دنیائے معافی اپنی خاموشی میں رکھتا ہے

محبت خواب گل بھی ہے

محبت رمز ہستی بھی

(588) ووٹ وصول ہوئے

Your Thoughts and Comments

Mohabbat Ramz-e-hasti Hai In Urdu By Famous Poet Mubeen Mirza. Mohabbat Ramz-e-hasti Hai is written by Mubeen Mirza. Enjoy reading Mohabbat Ramz-e-hasti Hai Poem on Inspiration for Students, Youth, Girls and Boys by Mubeen Mirza. Free Dowlonad Mohabbat Ramz-e-hasti Hai by Mubeen Mirza in PDF.