سوال بے امان بن کے رہ گئے
سوال بے امان بن کے رہ گئے
جواب امتحان بن کے رہ گئے
حد نگاہ تک بلند فلسفے
گھروں کے سائبان بن کے رہ گئے
جو ذہن، آگہی کی کار گاہ تھے
خیال کی دکان بن کے رہ گئے
بیاض پر سنبھل سکے نہ تجربے
پھسل پڑے بیان بن کے رہ گئے
کرن کرن یقین جیسے راستے
دھواں دھواں گمان بن کے رہ گئے
ضیائیں بانٹتے تھے، چاند تھے کبھی
گہن لگا تو دان بن کے رہ گئے
مرا وجود شہر شہر ہو گیا
کہیں کہیں نشان 'بن' کے رہ گئے
کمر جواب دے کے جھک گئی بدن
سوالیہ نشان بن کے رہ گئے
میں فن کی ساعتوں کو لب نہ دے سکا
نقوش بے زبان بن کے رہ گئے
نفس نفس طلب طلب تھے سازؔ ہم
قدم قدم تکان بن کے رہ گئے
عبد الاحد ساز 
(1381) ووٹ وصول ہوئے
Sawal Be-aman Ban Ke Rah Gae In Urdu By Famous Poet Abdul Ahad Saaz. Sawal Be-aman Ban Ke Rah Gae is written by Abdul Ahad Saaz. Enjoy reading Sawal Be-aman Ban Ke Rah Gae Poem on Inspiration for Students, Youth, Girls and Boys by Abdul Ahad Saaz. Free Dowlonad Sawal Be-aman Ban Ke Rah Gae by Abdul Ahad Saaz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends