Maskan-e-mah-o-sal ChhoD Gaya
maskan-e-mah-o-sal chhoD gaya
dil ko us ka KHayal chhoD gaya
taza-dam jism-o-jaan the furqat mein
wasl us ka niDhaal chhoD gaya
ahd-e-mazi jo tha ajab pur-haal
ek viran haal chhoD gaya
jhaala-bari ke marhalon ka safar
qafile paemal chhoD gaya
dil ko ab ye bhi yaad ho ki na ho
kaun tha kya malal chhoD gaya
main bhi ab KHud se hun jawab-talab
wo mujhe be-sawal chhoD gaya
Jaun Eliya 
(1876) Peoples Rate This