Dil Ka Har Qatra-e-KHun Rang-e-hina Se Mango
dil ka har qatra-e-KHun rang-e-hina se mango
KHun-baha dosto qatil ki ada se mango
mat banao yad-e-baiza ko gada ka kashkol
waqt firaun ho jab zarb-e-asa se mango
jab barasne se baDhe tishna-labi ka ehsas
yurish-e-barq hi sawan ki ghaTa se mango
kab talak shaKH-e-wafa laegi zaKHmon ke gulab
koi tasir nai aab-o-hawa se mango
mom ki tarah pighal jaega shab ka faulad
dast-e-daud ki taufiq KHuda se mango
Malikzada Manzoor Ahmad 
(349) Peoples Rate This