Bulbul Ka Dil KHizan Ke Sadme Se Hil Raha Hai
bulbul ka dil KHizan ke sadme se hil raha hai
gulzar ka muraqqa miTTi mein mil raha hai
aalam mein jis ne jis ne dekha hai aalam un ka
koi to hum se kah de qabu mein dil raha hai
ruKHsat bahaar ki hai kohram hai chaman mein
ghunche se ghuncha bulbul bulbul se mil raha hai
hargiz shabab par tum nazan 'sharaf' na hona
milne ko KHak mein hai jo phul khil raha hai
Agha Hajju Sharaf 
(702) Peoples Rate This