باہر کا ماحول تو ہم کو اکثر اچھا لگتا ہے
باہر کا ماحول تو ہم کو اکثر اچھا لگتا ہے
شام سے اک دن گھر میں رہ کر دیکھیں کیسا لگتا ہے
کس کی یادیں کس کے چہرے اگتے ہیں تنہائی میں
آنگن کی دیواروں پر کچھ سایہ سایہ لگتا ہے
جسموں کے اس جنگل میں بس ایک ہی رام کہانی ہے
غور سے دیکھو تو ہر چہرہ اپنا چہرا لگتا ہے
موسم کی عیاش ہوا نے کچے پھل بھی توڑ لیے
شاخ پہ لرزاں پتا پتا سہما سہما لگتا ہے
دانہ دانہ دام لگا ہے جال بچھا ہے پانی پر
ہائے رے یہ معصوم کبوتر کتنا بھولا لگتا ہے
سرخ پرندہ ڈوب رہا ہے کالی جھیل کے پانی میں
سچ کہنا اے ساحل والو تم کو کیسا لگتا ہے
سائے کی امید نہ رکھیے پتھر کی چٹانوں سے
بوسیدہ دیوار کا سایہ پھر بھی سایہ لگتا ہے
محرومی کی تصویریں بھی کتنی دلکش ہوتی ہیں
تھک کر سونے والے کو ہر خواب سنہرا لگتا ہے
اڑ کے پرندے پار نہ پائیں شام کو تھک کر لوٹ آئیں
ہوشؔ مجھے یہ سارا عالم ایک جزیرہ لگتا ہے
(655) ووٹ وصول ہوئے
Bahar Ka Mahaul To Hum Ko Aksar Achchha Lagta Hai In Urdu By Famous Poet Asghar Mehdi Hosh. Bahar Ka Mahaul To Hum Ko Aksar Achchha Lagta Hai is written by Asghar Mehdi Hosh. Enjoy reading Bahar Ka Mahaul To Hum Ko Aksar Achchha Lagta Hai Poem on Inspiration for Students, Youth, Girls and Boys by Asghar Mehdi Hosh. Free Dowlonad Bahar Ka Mahaul To Hum Ko Aksar Achchha Lagta Hai by Asghar Mehdi Hosh in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends