دشت میں اڑتے بگولوں کی یہ مستی ایک دن (ردیف .. ')
دشت میں اڑتے بگولوں کی یہ مستی ایک دن
ایک دن ہے سر بلندی اور پستی ایک دن
ایک دن تو بھی اسی بازار میں بک جائے گا
اور کوئی شے نہ ہوگی تجھ سے سستی ایک دن
نقش جتنے ہیں بہا لے جائیں گے اشک رواں
اور رہ جائیں گی یہ آنکھیں ترستی ایک دن
رفتہ رفتہ یہ دھندلکے اور بڑھتے جائیں گے
یک بیک ویران ہو جائے گی بستی ایک دن
ایک دن جل جاؤں گا میں بھی چتا کی آگ میں
خاک میں مل جائے گی تیری بھی ہستی ایک دن
دو دنوں کی زندگانی کفر کیا اسلام کیا
ایک دن کعبے میں سجدہ بت پرستی ایک دن
گر یوں ہی غالب رہا ہم پر سخن کا قرض یہ
''رنگ لائے گی ہماری فاقہ مستی ایک دن''
(1331) ووٹ وصول ہوئے
Dasht Mein UDte Bagulon Ki Ye Masti Ek Din In Urdu By Famous Poet Bharat Bhushan Pant. Dasht Mein UDte Bagulon Ki Ye Masti Ek Din is written by Bharat Bhushan Pant. Enjoy reading Dasht Mein UDte Bagulon Ki Ye Masti Ek Din Poem on Inspiration for Students, Youth, Girls and Boys by Bharat Bhushan Pant. Free Dowlonad Dasht Mein UDte Bagulon Ki Ye Masti Ek Din by Bharat Bhushan Pant in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends