Tuk Qais Ko ChheD-chhaD Kar Ishq
Tuk qais ko chheD-chhaD kar ishq
lipTa mujhe panje jhaD kar ishq
KHam Thonk meri hua muqabil
farhad ko dun pachhaD kar ishq
aaya kaj o wa-kaj is taraf ko
wamiq ka ghar ujaD kar ishq
be-fauj-e-sarishk o parcham-e-ah
jhapTa yun bhiD-bhaD kar ishq
al-qissa sabhon ke ho muqabil
pahuncha ab hum ko taD kar ishq
ta-daman-e-koh khench laya
jangal mein unhon ko gaD kar ishq
hum ishq allah bole to bhi
chinghaD ke aae phaD kar ishq
hai hai 'insha' hamare dil ko
be-tarah gaya lataD kar ishq
Insha Allah Khan 'Insha' 
(717) Peoples Rate This