Jab Tumhein Yaad Kiya Ranj Hua Bhul Gae

jab tumhein yaad kiya ranj hua bhul gae

hum andheron mein ujale ki faza bhul gae

tum se bichhDe the to jine ka chalan yaad na tha

tum ko dekha hai to marne ki dua bhul gae

tere aansu the ki be-dagh sitaron ke charagh

umr-bhar ke liye hum apni saza bhul gae

hum KHayalon mein tumhein yaad kiye jate hain

aur tum dil ke dhaDakne ki sada bhul gae

pyar mein koi fasilen jo uThae bhi to kya

tum to KHud lazzat-e-uslub-e-wafa bhul gae

kisi mahki hui chhanw mein Thahar ke hum bhi

sang-dil waqt ka andaz-e-jafa bhul gae

kitne nadan hain wo ahl-e-mohabbat 'jazib'

jo har ek baat mohabbat ke siwa bhul gae

(459) Peoples Rate This

Your Thoughts and Comments

Jab Tumhein Yaad Kiya Ranj Hua Bhul Gae In English By Famous Poet Jazib Quraishi. Jab Tumhein Yaad Kiya Ranj Hua Bhul Gae is written by Jazib Quraishi. Read famous Poem Jab Tumhein Yaad Kiya Ranj Hua Bhul Gae for youth and Student by Jazib Quraishi. Free Download Jab Tumhein Yaad Kiya Ranj Hua Bhul Gae in PDF.