Jhum Ke Saghar Kaun UThae Kis Ko PaDi MaiKHane Ki

jhum ke saghar kaun uThae kis ko paDi maiKHane ki

saqi ko bhi hosh nahin hai qismat hai paimane ki

gulshan gulshan yun phirti hai chaak-gareban phul ki KHushbu

jaise saba ne phaila di ho baat kisi diwane ki

diwane-pan ki ghaTi mein aql ka suraj Dub chala

shahr-e-taKHayyul par chhai hai sham kisi virane ki

sare sahaare chhuT chale hain subh ka tara Dub chala

phir bhi tamanna soch rahi hai baat kisi ke aane ki

zinda rah kar hi pahunchega pyar ka naghma galiyon galiyon

baat adhuri rah jati hai jal-bhun kar parwane ki

bedardon ke daur mein hai 'jumbish' KHun-e-tamanna hone do

koi na koi aansu surKHi de dega afsane ki

(570) Peoples Rate This

Your Thoughts and Comments

Jhum Ke Saghar Kaun UThae Kis Ko PaDi MaiKHane Ki In English By Famous Poet Jumbish Khairabadi. Jhum Ke Saghar Kaun UThae Kis Ko PaDi MaiKHane Ki is written by Jumbish Khairabadi. Read famous Poem Jhum Ke Saghar Kaun UThae Kis Ko PaDi MaiKHane Ki for youth and Student by Jumbish Khairabadi. Free Download Jhum Ke Saghar Kaun UThae Kis Ko PaDi MaiKHane Ki in PDF.