Ye Kin Hadon Mein Hamara Dil-e-gharib Aaya
ye kin hadon mein hamara dil-e-gharib aaya
sahar ki chap pe KHadsha hua raqib aaya
tamam umr mein DhunDa kiya ujalon ko
na tera dard bhaTak kar mere qarib aaya
hazar bar isi raste se guzra hai
mera wajud jo ab kucha-e-salib aaya
usi ke sath guzari hain sainkaDon ghaDiyan
wo ek shaKHs jo mujh tak bahut ajib aaya
Meer Naqi Ali Khan Saqib 
(401) Peoples Rate This