Ehsas Ka Wasil-e-izhaar Hai Ghazal

ehsas ka wasil-e-izhaar hai ghazal

aaina-dar-e-nudrat-e-afkar hai ghazal

urdu adab ko jis pe hamesha rahega naz

izhaar-e-fikr-o-fan ka wo mear hai ghazal

guldasta-e-adab ka gul-e-sar-sabd hai ye

hain jis mein gul-ezar wo gulzar hai ghazal

aati hai jis wasile se dil se zaban par

KHwabida hasraton ka wo izhaar hai ghazal

urdu zaban dil hai ghazal us ki jaan hai

nau-e-bashar ki munis-o-gham-KHwar hai ghazal

pahle hadis-e-dilbari kahte the is ko log

ab tarjuman-e-kucha-o-bazar hai ghazal

pesh-e-nazar agar ho 'wali'-dakkani ka tarz

mashshata-e-arus-e-trahdar hai ghazal

hai 'mir' o 'zauq' o 'ghaalib' o 'momin' ko jo aziz

wo dil-nawaz jalwa-gah-e-yar hai ghazal

'barqi' ke fikr-o-fan ka muraqqa isi mein hai

'barq'-azmi se matla-e-anwar hai ghazal

(646) Peoples Rate This

Your Thoughts and Comments

Ehsas Ka Wasil-e-izhaar Hai Ghazal In English By Famous Poet Ahmad Ali Barqi Azmi. Ehsas Ka Wasil-e-izhaar Hai Ghazal is written by Ahmad Ali Barqi Azmi. Read famous Poem Ehsas Ka Wasil-e-izhaar Hai Ghazal for youth and Student by Ahmad Ali Barqi Azmi. Free Download Ehsas Ka Wasil-e-izhaar Hai Ghazal in PDF.