Dil Ko BaKHsha Soz-o-gudaz
dil ko baKHsha soz-o-gudaz
ai gham teri umr-e-daraaz
ishq-o-hawas mein rishta kaisa
ek haqiqat ek majaz
besh nahin hai dil ki qimat
ek nigah-e-lutf-nawaz
is ka chhupana khel nahin hai
raaz aur wo bhi un ka raaz
aae koi hum se puchhe
mar kar jine ke andaz
jazb-e-darun ka faiz hai 'mansha'
fikr-e-suKHan ki ye parwaz
Mohammad Mansha Ur Rahman Khan Mansha 
(530) Peoples Rate This